90% من مشاريع التجارة الإلكترونية بتفشل… بالطريقة دي لو فكرت تأسس براند ملابس مثلاً, هتحتاج إيه و النتيجة هتكون إيه؟ خليني أجاوبك…

1- هتحتاج ما لا يقل عن 10 أنواع من المنتجات (بنطلون – تيشيرت – قميص – شورت – جاكت – شراب…)

2- هتحتاج ما لا يقل عن 5 مقاسات مختلفة من كل منتج (S-M-L-XL-XXL)

3- هتحتاج ألوان مختلفة طبعاً عشان تناسب جميع الأذواق

بالطريقة دي هتحتاج عالأقل 200 قطعة مختلفة (ده لو هيبقى عندك قطعة واحدة بس من كل منتج مختلف) … و بعد كدة محتاج موقع كامل تعرض فيه المنتجات دي و بعد كدة تصور كل منتج و كمان تعمل إعلانات للمنتجات دي و تشوف الموديل الي هيبيع و تبتدي توفر منه Stock و هكذا…

ده لو مفشلش البراند أصلاً بسبب إن معندوش ميزة تنافسية عن بقية ال brands ال أقدم و ليها وجود أقوى… يبقى نقدر نقول إن المحصلة خسارة 2000$ عالأقل للتجربة!

1) مش هنخترع العجلة! بس في نفس الوقت مش هنخش نقلد منافس تقليد أعمى و ندخل منافسة ملهاش لازمة ضد براند أتقل و أقدم في السوق.

لكن بكل بساطة هنشوف فكرة موجودة و ناجحة و بتبيع بشكل كويس و منها نطلع بفكرتنا الخاصة

2) المنتج أو الفكرة إلي هنختارها أكيد مش هنضيع فلوسنا على شراء أو تصنيع بضاعة من غير ما نتأكد إن المنتج عليه طلب!

عشان كدة هنختبر السوق بشكل صح و نعرف هل في إقبال من السوق مش بس على المنتج و لكن بالسعر إلي حددناه و بكل تفاصيل العرض و المنتج الحقيقي الي هننزل بيه السوق و لكن الفرق الكبير إن المنتج هيكون ليه مواصفات خاصة عشان يبقى مناسب.

هذكر بعضها عشان يبقى عندك فكرة

1- مينفعش يكون فيه منه Variations أو أنواع كتير (مقاسات – ألوان – إلخ)

2- مينفعش يكون منتج complex أو صناعته معقدة عشان نبقى قادرين نصنعه محلياً

3- مينفعش يكون حاجة غالية (300$ أو أكتر) لإن في الحالة دي عشان نحاول نبيع 10 قطع بس و نجرب الفكرة هنحتاج عالأقل 500$ مثلاً للإعلانات بس غير تكلفة المنتج

غير أصلاً الطريقة الي بنتبعها في الكورس لإيجاد فكرة ناجحة و الي كانت الحمدلله نتائجها فعالة, حتى لو متوفقتش في أول فكرة تجربها و فشلت … فانت خسرت في حدود 50$ بس.

و لو نجحت إن شاء الله فبكدة هتكون بداية براند ناجح سهل جداً إنه يحقق 1000$ صافى ربح في أول شهر ليه.

3) بعد مرحلة إختبار المنتج إلي بنكون صرفنا فيها أقل من 100 دولار إجمالي. لو المنتج نجح فيها بننتقل لمرحلة بناء سيستم متكامل للبراند بتاعك عشان أكيد مش هتعد تكلم كل عميل و تغلف و تشحن و توصله المنتج.

لازم يبقى في سيستم أوتوماتيكي للمراحل دي كلها من أول ما بتعرف العميل بمنتجك مروراً بتأكيد و تجهيز و شحن الطلبات و تحصيل الفلوس و كمان متابعة البضاعة و تخزينها

4) مش هتقوم بكل الشغل لوحدك (ممكن أول كام يوم) لكن بعد كده لازم تعين فريق عمل سواء للتسويق و الإعلانات أو في خدمة العملاء أو غيره عشان تفضي وقت لنفسك و تركز على الجوانب المهمة في البيزنس و تشتغل (على مشروعك) مش (في مشروعك)!

5) هنخش بعدها على العناصر الأساسية في أي براند ناجح و أولها المنتج و نشوف إزاي نظبط فكرته و التصميم بتاعه و نشوف بعدها إزاي نوفره أو نصنعه مع مصنع أو تاجر موثوق و يعتمد عليه

6) ظبطنا المنتج؟ جه الوقت ان السوق يعرف المنتج و البراند بتاعك عشان كده هتتعلم إزاي تظهر بشكل كويس و تعمل إعلانات قوية متوجهة للعملاء الصح و تحقق هدفها الرئيسي و هو إنك تجيب مبيعات.

ده غير حاجات تانية كتير زي بناء الموقع أو المتجر و تصميم صفحة المنتج و البراندنج و انك تعلى قيمة الطلب و تزود معدل الشراء أو التحويل عشان تحقق أعلى عائد و هتتعلم برضوا إزاي تجيب مبيعات من غير إعلانات (بالتسويق المجاني بالمحتوى)

7) جميل! كدة معانا منتج ناجح بيحقق مبيعات و الطلبات بيتم معالجتها و التوصيل و التحصيل بشكل أوتوماتيك. هنفضل شغالين بمنتج واحد؟ في بلد واحد؟ محتاجين نكبر و نتوسع و كمان نقلل التكاليف عشان نوصل لأعلى هامش ربح ممكن

8) لازم في أسرع وقت نظبط الوضع القانوني و الضرائب و كمان لازم نعرف نتبع أرقامنا و نتوقعها مسبقاً و نحط خطة عالأقل لحد منجيب محاسب يعمل الجزئية دي

9) دروس إضافية كتير لحاجات مختلفة زي التغلب على المنافسين و البيع في دول الخليج و طبعاً بعض المشاكل الي ممكن تقابلها و إزاي تحلها